Ministru Agrikultura nia visita iha Fatumaca.
Andre du Toit

Ami (Team UH iha Timor Loro Sae) haksolok tebes wainhira simu visita husi Senhor Ministru Agrikultura, Floresta e Pescaria ho ninia delegasaun hamutuk ema nain “rua nulu resin lima” (25). Tamba tempu la to’o, Ministru visita to’os (fatin) ida deit, iha Fatumaca. Fernando ho hau hato’o aprezentasaun hamutuk, nebe Fernando aprezenta furak tebes. Tuir Ministru nia observasaun katak ami nia projetu diferenti husi GTZ nebe ami uza deit N iha komparasaun ho to’os nain sira nia pratika nebe ke uza hotu N & P. Defaktu ho Ministru nia visita ba dala ida ne’e fo lejitimidade ba ami nia servisu iha edifisiu MAFF nian iha Baucau. Ministru kontente ho projetu nia planu kona ba halo to’os iha rai-maran durante tempu bailoron. Visita ne’e hatudu kona ba importansia atu deskreve esensia projetu nian ho lia fuan balun ou slogan deit, e hetan sujestaun hanesan tuir mai ne’e: Projetu ida ne’e sei fornese ai-han barak ba imi nia kabun, osan barak iha imi nia karteira e nune’e imi nia oan ninia oan (imi nia bei-oan) sira bele moris nafatin husi rai (fatin) ida ne’e. Ne’e sei lao diak wainhira ita bele hametin povu nia hanoin e laos fo deit folletu (handout) para atu fo seguransa (garantia) ba povu Timor Loro Sae nia futuru.

Depois de visita ami han meudia iha restaurante Benfica iha Baucau, nebe Ministru ho ninia grupu, MAFF Baucau ho UH nia staff local bele halo komunikasaun informal. Visita ne’e hala’o la to’o oras rua nia laran maibe hetan interasaun diak e produtivu tebes nebe hanesan esperiensia diak ida ke bele aprende.

Return to News